అమరావతి సీడ్ యాక్సెస్ రోడ్డు పనులకు హైకోర్టు అనుమతి, భూసేకరణ వ్యాజ్యాలు కొట్టివేత

అమరావతి రాజధాని నిర్మాణంలో కీలకమైన సీడ్ యాక్సెస్ రోడ్డు పనులకు హైకోర్టు అనుమతి ఇచ్చింది. భూసేకరణకు సంబంధించి రైతులు దాఖలు చేసిన వ్యాజ్యాలను కోర్టు కొట్టివేసింది.

మూడు కిలోమీటర్ల పొడవున్న ఈ రోడ్డు మార్గంలో కొంతమంది రైతులు భూములు ఇవ్వడానికి ఒప్పుకోలేదు. దీంతో ప్రభుత్వం భూసేకరణ నోటీసులు జారీ చేయగా రైతులు హైకోర్టును ఆశ్రయించారు.

హైకోర్టు ఈ పిటిషన్లన్నిటినీ కలిపి విచారించింది. రాజధాని నిర్మాణానికి, మౌలిక సదుపాయాలకు ఈ రోడ్డు అవసరమని, ఎక్కువమంది ప్రజల ప్రయోజనాన్ని దృష్టిలో పెట్టుకుని ఈ నిర్ణయం తీసుకున్నట్లు కోర్టు తెలిపింది.

ఈ తీర్పుతో సీడ్ యాక్సెస్ రోడ్డులో అసంపూర్తిగా మిగిలిన జంక్షన్లు, తెగిపోయిన రోడ్ల పనులు పూర్తి చేయడానికి అడ్డంకులు తొలగాయి. త్వరలోనే టెండర్లు పిలిచి మిగిలిన పనులు చేపట్టే అవకాశం ఉందని భావిస్తున్నారు.