హైదరాబాద్ అంబర్‌పేట్‌లో రాఖీ తయారీ వ్యాపారం.. మహిళలకు ఉపాధి అవకాశాలు

రాఖీ పండుగకు ఆరు రోజుల ముందు హైదరాబాద్ అంబర్‌పేట్‌లో రాఖీ తయారీ పనులు ఊపందుకున్నాయి. ఇక్కడి ఒక రాఖీ తయారీ దుకాణం నుంచి దేశవ్యాప్తంగా ఆర్డర్లు వెళ్తున్నాయి.

ఈ దుకాణంలో సుమారు 200 నుంచి 300 మంది పనిచేస్తున్నారు. వీరిలో చాలామంది మహిళలు, కాలేజీ విద్యార్థులు ఉన్నారు. డిసెంబర్‌లో పని మొదలై రాఖీ పండుగ వరకు నడుస్తుంది.

దుకాణం యజమాని చంద్రకాంత్ యాదవ్ రాఖీల తయారీకి అవసరమైన మెటీరియల్, డిజైన్లు, ప్యాకింగ్ సామగ్రి అందిస్తారు. కొత్తవారికి 15 రోజుల ట్రైనింగ్ ఇస్తారు. రాఖీలకు MRP కూడా వారే నిర్ణయిస్తారు.

కాలేజీకి వెళ్లే విద్యార్థులు కాలేజీ అయ్యాక నేరుగా ఇక్కడికి వచ్చి పార్ట్‌టైం పని చేస్తారు. వచ్చిన డబ్బుతో కాలేజీ ఫీజులు కడుతున్నారు. నర్సింగ్ ఉద్యోగాలు చేసే మహిళలు కూడా పార్ట్‌టైం పనికి వస్తారు.

రాఖీ సీజన్ ముగిసిన తర్వాత ఒక వారం విరామం తీసుకుని ఇక్కడ పతంగుల తయారీ, హోలీ సీజన్ పనులు మొదలవుతాయి. తన దగ్గర దాదాపు రూ.1.5 లక్షల విలువైన రాఖీ కలెక్షన్ ఉంటుందని చంద్రకాంత్ తెలిపారు.