అమ్రాబాద్ టైగర్ రిజర్వులో పులుల సంఖ్య 42గా పెరిగినట్లు ప్రాథమిక సర్వే

ప్రాథమిక సర్వే ప్రకారం అమ్రాబాద్ టైగర్ రిజర్వులో పులుల సంఖ్య 42కి చేరింది. గతంలో ఇది 36గా ఉండేది.

ఈ సర్వేలో 18 ఆడ, 14 మగ పులులు ఉన్నట్లు తేలింది. అదనంగా ఏడాదిన్నర నుంచి మూడేళ్ల వయసున్న 8 కూనలు, రెండు చిన్న కూనలు గుర్తించారు.

అటవీ అధికారులు 1120 ప్రదేశాల్లో 2240 ట్రాప్ కెమెరాలు ఏర్పాటు చేసి నెల రోజుల పాటు పరిశీలించారు. పులుల అడుగుజాడలు, కెమెరా ఫుటేజ్ ఆధారంగా ఈ లెక్కలు రూపొందించారు.

పులుల సంఖ్య పెరగడంతో భద్రతా కారణాల రీత్యా మూడు నెలల పాటు నల్లమల అడవుల్లో పర్యాటకులను అనుమతించడం లేదు.

పులుల సంఖ్య పెరగడం అడవి ఆరోగ్యానికి సంకేతం. పులులకు తగిన ఆహారం (జింకలు, దుప్పులు) ఉండటం వల్ల అడవి పచ్చగా ఉందని నిపుణులు చెబుతున్నారు. అయితే, కొన్ని గ్రామాల్లో పులులు సంచరిస్తున్న ఘటనలు నమోదవుతున్నాయి. అడవిలో ఆహారం లేకపోవడం వల్లనే ఇలా జరుగుతుందని భావిస్తున్నారు.