అనంతపురం: పోలీస్ వాహనాల రిపేర్ బిల్లులు చెల్లించలేదని హెడ్ కానిస్టేబుల్ సెల్ఫీ వీడియో ఆవేదన

అనంతపురం పోలీస్ కార్యాలయంలో డ్రైవర్‌గా విధులు నిర్వర్తిస్తున్న హెడ్ కానిస్టేబుల్ శ్రీనివాస్ నాయక్ సెల్ఫీ వీడియో సోషల్ మీడియాలో వైరల్ అయింది. పోలీసు వాహనాల మరమత్తు ఖర్చులు తిరిగి చెల్లించలేదని, దీంతో తాను ఇబ్బంది పడుతున్నానంటూ ఆయన ఆవేదన వ్యక్తం చేశారు.

మూడు నెలల క్రితం ఒక వాహనానికి సుమారు ₹20,000, మరో బస్సుకు ₹65,000 చొప్పున మరమత్తుల కోసం ఖర్చు చేసినట్లు శ్రీనివాస్ నాయక్ తెలిపారు. ఈ డబ్బంతా ఇంట్లో పొదుపు నుంచి పెట్టడంతో కుటుంబంలో రోజూ గొడవలు జరుగుతున్నాయని చెప్పారు. బిల్లులు వెంటనే చెల్లించాలంటూ బాటిల్‌తో తల మీద కొట్టుకుంటూ ఆయన వీడియో తీశారు.

ఈ విషయంపై పోలీస్ ఉన్నతాధికారుల స్పందన తెలియాల్సి ఉంది. వీడియో సోషల్ మీడియాలో విస్తృతంగా షేర్ అవుతున్న నేపథ్యంలో అధికారిక వివరణ రావాల్సి ఉంటుంది.