పిఠాపురంలో అంగన్వాడీ పిల్లల కాన్వొకేషన్‌.. గౌన్లు, మెడల్స్‌తో సంబురాలు

పిఠాపురం నియోజకవర్గంలోని ఒక అంగన్వాడీ కేంద్రంలో చిన్నారులకు ప్రత్యేక కాన్వొకేషన్ కార్యక్రమం నిర్వహించారు. ఎల్కేజీ, యుకేజీ కోర్సులు విజయవంతంగా పూర్తి చేసుకున్న పిల్లలు నల్ల గౌన్లు ధరించి స్టేజ్ ఎక్కారు. వారికి మెడల్స్, సర్టిఫికెట్లు ప్రదానం చేశారు.

ఈ కార్యక్రమంలో మహిళా శిశు సంక్షేమ అధికారులు, జనసేన పార్టీ నేతలు, డీసీసీబీ బ్యాంకు ఛైర్మన్ పాల్గొన్నారు. పిల్లల అక్షరాలు, అంకెల ప్రదర్శనకు అతిథులు ప్రశంసలు కురిపించారు. పిల్లల తల్లిదండ్రులు ఆనందంతో మురిసిపోయారు.

పేద పిల్లలకు విద్య పట్ల ఆత్మవిశ్వాసం కలిగించేందుకు, అంగన్వాడీలను ప్రోత్సహించే లక్ష్యంతో ఈ ఒక కొత్త తరహా కార్యక్రమం చేపట్టినట్లు నిర్వాహకులు తెలిపారు. సాధారణంగా ప్రైవేట్ స్కూళ్లలో మాత్రమే కనిపించే కాన్వొకేషన్ విధానం ఇప్పుడు అంగన్వాడీల్లోనూ మొదలవడం విశేషం.