అనిరుద్ రవిచందర్-కావ్య మారన్ వివాహం గ్రీస్‌లో; నవంబర్ 21న చెన్నైలో రిసెప్షన్

మ్యూజిక్ డైరెక్టర్ అనిరుద్ రవిచందర్, IPL జట్టు సన్‌రైజర్స్ హైదరాబాద్ CEO కావ్య మారన్ వివాహం గ్రీస్‌లో జరుగుతోంది. నిన్న ప్రారంభమైన రెండు రోజుల వేడుకల్లో ప్రధాన వివాహం నేడు జరగనుంది.

గ్రీస్‌లోని ప్రముఖ పర్యాటక ప్రాంతం సాంథోరిని సమీపంలో ఈ వేడుకలు జరుగుతున్నాయి. ఇరు కుటుంబాల సన్నిహితులు, కుటుంబ సభ్యులే హాజరవుతున్నారు. వేడుకను గోప్యంగా, సాంప్రదాయ పద్ధతిలో నిర్వహిస్తున్నారు.

నటుడు రజినీకాంత్, ఆయన కుమార్తె ఐశ్వర్య రజినీకాంత్ ఇప్పటికే గ్రీస్‌కు చేరుకున్నారు. తమిళనాడు CM ఎం.కే. స్టాలిన్ కుటుంబం, ఉదయనిధి స్టాలిన్ కుటుంబం కూడా వేడుకకు హాజరై నూతన వధూవరులను ఆశీర్వదించారు.

వివాహం ముగిసిన తర్వాత నవంబర్ 21న చెన్నైలో రిసెప్షన్ ఏర్పాటు చేస్తున్నారు. ఈ విందుకు సినీ, రాజకీయ, క్రీడా రంగాల ప్రముఖులు, వ్యాపారవేత్తలు హాజరవుతారు. ప్రీ-వెడ్డింగ్ షూట్ వీడియో సోషల్ మీడియాలో వైరల్ అవుతోంది.