విశాఖలో సైబర్ క్రైమ్ రికవరీ మేళా: 14% క్రైమ్ రేటు తగ్గింపు, 20,000 గంజాయి కేసుల నాశనం, 13 ఏళ్లకే డ్రగ్స్ దుర్వినియోగం: హోంమంత్రి అనిత

ఏపీ హోంమంత్రి వంగలపూడి అనిత మంగళవారం విశాఖపట్నం పోలీస్ కమిషనరేట్లో సైబర్ క్రైమ్ రికవరీ మేళాను నిర్వహించారు. ఈ సందర్భంగా బాధితులకు రికవరీ చేసిన సొమ్మును చెక్కుల రూపంలో అందజేశారు.

ఈ కార్యక్రమంలో ప్రసంగించిన ఆమె, రాష్ట్రంలో ఎన్డీఏ కూటమి ప్రభుత్వం అధికారంలోకి వచ్చిన తర్వాత క్రైమ్ రేటు 14% తగ్గిందని పేర్కొన్నారు. గంజాయి సాగు, రవాణాను పూర్తిగా అరికట్టామని తెలిపారు. ఈగల్ టాస్క్ ఫోర్స్ ఏర్పాటు చేసినప్పటి నుంచి దాదాపు 20,000 గంజాయి కేసులను నాశనం చేసినట్లు వెల్లడించారు.

డ్రగ్స్, మద్యం దుర్వినియోగంపై జరిపిన సర్వేను ప్రస్తావించిన అనిత, 13 నుంచి 18 ఏళ్ల మధ్య వయస్సులోనే చాలామంది మత్తు పదార్థాలకు అలవాటు పడుతున్నారని తెలిపారు. 60% నుంచి 70% మంది స్నేహితుల ప్రభావంతోనే వ్యసనానికి లోనవుతున్నట్లు సర్వే ఫలితాలు ఉన్నాయని చెప్పారు. సైబర్ క్రైమ్ పోలీస్ స్టేషన్లకు ప్రత్యేక పరికరాలు ఇస్తున్నామని కూడా హోంమంత్రి చెప్పారు.

ఈ మేళాలో పోలీస్ కమిషనర్ శంఖబ్రతా బాగ్చి, ఇతర పోలీస్ అధికారులు పాల్గొన్నారు. అనంతరం మద్యం వ్యసన నివారణ, పునరావాసం సంబంధిత కార్యక్రమంలోనూ హోంమంత్రి అనిత పాల్గొన్నారు.