నంద్యాల జిల్లా: జయజ్యోతి సిమెంట్ ఫ్యాక్టరీలో శ్రీసీతారామస్వామి బ్రహ్మోత్సవాలు

నంద్యాల జిల్లా బనగాపల్లి మండలం ఎనకండ గ్రామంలోని జయ జ్యోతి సిమెంట్ ఫ్యాక్టరీ ఆవరణలో శ్రీ సీతారామస్వామి వార్షిక బ్రహ్మోత్సవాలు ప్రారంభమయ్యాయి.

మూడు రోజుల ఉత్సవాల్లో భాగంగా ఎదురుకోలు ఉత్సవం నిన్న జరిగింది. మహిళలు, పిల్లలు కోలాటాలు, నృత్యాలు, భజనలు ప్రదర్శించారు.

మై హోమ్ ఇండస్ట్రీస్ అధినేత జూపల్లి రామేశ్వరరావు, ఆయన సతీమణి ఈ ఉత్సవంలో పాల్గొన్నారు. ఆయన భక్తులకు అన్ని వసతులు కల్పించారు. పురోహితులు రామేశ్వరరావు దంపతులను ప్రత్యేకంగా అభినందించారు.

ఈ సందర్భంగా వేద పండితులు దేశంలో మంచి వర్షాలు కురవాలని ప్రార్థనలు చేశారు. జూపల్లి రామేశ్వరరావు ఆధ్వర్యంలో ఉత్సవాలు ఘనంగా కొనసాగుతున్నాయి.