IPL ఫైనల్లో అనుష్కా శర్మ ధరించిన Cartier వాచ్ విలువ ₹28 లక్షలు

IPL ఫైనల్ మ్యాచ్ సందర్భంగా నటి అనుష్కా శర్మ ధరించిన వాచ్ నెట్‌లో చర్చనీయాంశం అయ్యింది. విరాట్‌ కోహ్లీ భార్య అయిన అనుష్క ఒక Cartier బ్రాండ్ వాచ్ ధరించారు. ఇది Cartier Panther సిరీస్‌కు చెందినదని, దీని విలువ సుమారు ₹28 లక్షలు ఉంటుందని తెలుస్తోంది.

Cartier సంస్థ ప్యారిస్ కేంద్రంగా పనిచేస్తుంది. లగ్జరీ జ్యువెలరీకి ప్రసిద్ధి చెందిన ఈ సంస్థ 1983లో Panther సిరీస్ వాచీలను విడుదల చేసింది. చిరుతపులి తరహా డిజైన్‌తో ఈ సిరీస్‌కు ఆ పేరు వచ్చింది.

గతంలో నటి దీపికా పడుకోనే కూడా ఈ వాచ్ ధరించారు. ఆమె Cartier సంస్థకు బ్రాండ్ అంబాసిడర్‌గానూ పని చేశారు. హాలీవుడ్‌లో మడోనా, ప్రిన్సెస్ డయానా వంటి ప్రముఖులు కూడా ఈ వాచీని ఇష్టపడ్డారని సమాచారం.