సోషల్ మీడియా అసభ్యకర పోస్టులపై కఠిన చర్యలు: ఏపీలో ప్రత్యేక టాస్క్ ఫోర్స్ ఏర్పాటు

ఆంధ్రప్రదేశ్ ముఖ్యమంత్రి చంద్రబాబు నాయుడు సోషల్ మీడియాలో అసభ్యకర వ్యాఖ్యలు చేసే వారిపై కఠిన చర్యలు తీసుకోవాలని పోలీసులను ఆదేశించారు. సైబర్ నేరాల పరిష్కారానికి ఐజీ స్థాయి అధికారిని నియమించాలని సూచించారు. అమరావతిలో జరిగిన రాష్ట్ర మంత్రివర్గ సమావేశంలో సోషల్ మీడియాను నియంత్రించడానికి ప్రత్యేక టాస్క్ ఫోర్స్ ఏర్పాటు చేయాలని నిర్ణయించారు.

భావ ప్రకటన స్వేచ్ఛను గౌరవిస్తూనే అసభ్యకర పోస్టులను ఉపేక్షించవద్దని ముఖ్యమంత్రి స్పష్టం చేశారు. వైసీపీ నేతలు రెచ్చగొట్టేలా పోస్టులు పెడుతున్నారని, వారి ట్రాప్‌లో మంత్రులు పడవద్దని చంద్రబాబు మంత్రులకు సూచించినట్లు సమాచారం.

అయితే, ఈ నిర్ణయంపై వైఎస్ఆర్ కాంగ్రెస్ పార్టీ అభ్యంతరం వ్యక్తం చేసింది. మాజీ మంత్రి అంబటి రాంబాబు మాట్లాడుతూ, సోషల్ మీడియా అంటే చంద్రబాబు భయపడిపోతున్నారని, ప్రభుత్వం ఏర్పాటు చేస్తున్న టాస్క్ ఫోర్స్ ప్రజాస్వామ్య వ్యతిరేకమని ఆరోపించారు. మంత్రివర్గ సమావేశంలో ఐదుగురు మంత్రులు గైర్హాజరు కావడంతో ఈ నిర్ణయం సీరియస్ తీసుకోలేదని విమర్శించారు.

ఇదిలా ఉండగా, మంత్రి పార్ధసారథి మాట్లాడుతూ, మంత్రి మండలి 30కి పైగా అజెండా అంశాలను ఆమోదించిందని, రాజధాని అమరావతి రెండో విడత భూసేకరణకు రైతులకు లక్షన్నర రుణమాఫీ చేయాలని నిర్ణయించినట్లు తెలిపారు. అలాగే, తాగునీటి పథకాలు, మౌలిక వసతులు వంటి అంశాలకు ఆమోదం లభించిందన్నారు.