ఐఐటీ-జేఈఈ, నీట్‌ కోసం సంక్షేమ గురుకుల విద్యార్థులకు ప్రత్యేక శిక్షణ కేంద్రాలు

రాష్ట్ర మంత్రివర్గం సాంఘిక సంక్షేమ గురుకుల విద్యా సంస్థల సొసైటీ ఆధ్వర్యంలో మూడు 'సెంటర్స్ ఆఫ్ ఎక్సలెన్స్' ఏర్పాటుకు ఆమోదం తెలిపింది. విశాఖపట్నం, నెల్లూరు, అంబేద్కర్ జిల్లాల్లో ఈ కేంద్రాలు ఏర్పాటు కానున్నాయి.

ఈ కేంద్రాల్లో ఎస్సీ, ఎస్టీ, బీసీ, మైనారిటీ వర్గాల విద్యార్థులకు ఐఐటి-జేఈఈ మెయిన్స్, నీట్ ప్రవేశ పరీక్షలకు ఇంటెన్సివ్ రెసిడెన్షియల్ కోచింగ్ అందించనున్నారు. కార్పొరేట్ కాలేజీల స్థాయిలో నాణ్యమైన అధ్యాపకులను నియమించి శిక్షణ ఇస్తారు.

మంత్రి పార్థసారధి ఈ విషయాన్ని వెల్లడించారు. ముఖ్యమంత్రి చంద్రబాబు నాయుడు ఆలోచన ప్రకారం, సంక్షేమ హాస్టళ్లలో ఉంటున్న విద్యార్థులు దూరంగా ఉన్న ప్రభుత్వ పాఠశాలలకు వెళ్లాల్సిన అవసరం లేకుండా, వారి హాస్టల్లోనే ఈ కోచింగ్ పొందేలా ఏర్పాట్లు చేస్తామని ఆయన తెలిపారు.