బల్కంపేట ఎల్లమ్మ కళ్యాణోత్సవం తేదీలు ఖరారు: జూలై 20-22

బల్కంపేట ఎల్లమ్మ అమ్మవారి వార్షిక కళ్యాణోత్సవం జూలై 20 నుంచి 22 వరకు జరగనుంది. దేవాదాయ శాఖ మంత్రి కొండా సురేఖ ఈ ఉత్సవ పోస్టర్లను ఆవిష్కరించారు. వేద పండితులు నిర్ణయించిన ముహూర్తం ప్రకారం ఈ తేదీలు ఖరారు చేశారు.

జూలై 20 సాయంత్రం ఎదుర్కోలు ఉత్సవంతో వేడుకలు ప్రారంభమవుతాయి. 21న అమ్మవారి ప్రధాన కళ్యాణ వైభవం ఉంటుంది. 22న రథోత్సవం జరుగుతుంది. ఈ కళ్యాణాన్ని చూడటం వల్ల సకల శుభాలు కలుగుతాయని భక్తుల నమ్మకం.

రాష్ట్రం నలుమూలల నుంచి లక్షలాది మంది భక్తులు హాజరవుతారని అంచనా. భక్తులకు ఎలాంటి ఇబ్బందులు కలగకుండా ప్రభుత్వం అన్ని ఏర్పాట్లు చేస్తోంది.