దేశీయ స్టాక్ మార్కెట్లు భారీ లాభాలు; సెన్సెక్స్ 820, నిఫ్టీ 244 పాయింట్లు పెరిగాయి

దేశీయ స్టాక్ మార్కెట్లు భారీ లాభాలతో ముగిశాయి. సెన్సెక్స్ 820 పాయింట్లు, నిఫ్టీ 244 పాయింట్లు పెరిగాయి.

ఐటి షేర్లలో భారీ కొనుగోళ్లు జరిగాయి. ఐటి, పీఎస్యూ బ్యాంక్, మెటల్, రియాలిటీ రంగాలు లాభపడ్డాయి. ఎఫ్ఎంసీజీ షేర్లు స్వల్పంగా నష్టపోయాయి.

పలు కారణాలతో మార్కెట్లు పెరిగాయి. టీసీఎస్ త్రైమాసిక ఫలితాలు సానుకూలంగా రావడంతో ఐటి సూచీ పుంజుకుంది. ప్రపంచ మార్కెట్లు కూడా లాభాల్లో ఉన్నాయి. ఇరాన్-అమెరికా మధ్య ఉత్కంఠ ఉన్నప్పటికీ మార్కెట్లు పట్టించుకోలేదు. విదేశీ సంస్థాగత పెట్టుబడిదారులు (ఎఫ్ఐఐలు) మొత్తంగా కొనుగోళ్లు జరిపారు. మొదటి త్రైమాసిక ఫలితాలపై ఆశావాదంతో మార్కెట్లు లాభపడ్డాయి.

బులియన్ మార్కెట్లో నష్టాలు నమోదయ్యాయి. 24 క్యారట్ బంగారం ధర 10 గ్రాములకు రూ.1,100 తగ్గింది. కిలో వెండి ధర రూ.3,200 తగ్గింది. ముడి చమురు ధర బ్యారెల్‌కు 76 డాలర్ల వద్ద కొనసాగుతోంది.

సీనియర్ మార్కెట్ విశ్లేషకుడు జీవీ సత్యనారాయణ మాట్లాడుతూ, మార్కెట్ సానుకూలంగానే ఉందని, పడినప్పుడు కొనుగోలుకు అవకాశంగా చూడాలని సూచించారు. రాబోయే వార్తలు, ముఖ్యంగా బ్రెంట్ ఆయిల్ ధర మార్పులు, అమెరికా ట్రేడ్ డీల్స్, దేశీయ మౌలిక వ్యయాలు మార్కెట్‌కు దిశానిర్దేశం చేస్తాయని తెలిపారు.