2029 నాటికి ప్రంబనన్ ఆలయ పునరుద్ధరణ పూర్తి: ప్రధాని మోదీ

ప్రధాని నరేంద్ర మోదీ ఇండోనేషియా పర్యటనలో భాగంగా పురాతన ప్రంబనన్ దేవాలయాన్ని సందర్శించారు. చారిత్రక ప్రంబనన్ దేవాలయ సముదాయాన్ని పునరుద్ధరించి పరిరక్షించడానికి భారతదేశం సహాయం చేస్తుందని ప్రధాని ప్రకటించారు. 2029 నాటికి ఆలయ పునరుద్ధరణ పూర్తి చేస్తామని, పూర్తయిన తర్వాత మళ్లీ వస్తానని ఆయన హామీ ఇచ్చారు.

ఇండోనేషియా అధ్యక్షుడు ప్రభోవో సుబియాంటోతో కలిసి ఆలయాన్ని సందర్శించిన ప్రధాని, అక్కడే ఆలయ పునరుద్ధరణ ఫలకాన్ని ఆవిష్కరించారు. ఇరువురు నేతలు హెలికాప్టర్ ద్వారా ఆలయ సముదాయాన్ని పరిశీలించారు. మోదీ ఎక్స్ వేదికగా ఆలయాన్ని 'గంభీరమైన ప్రంబనన్'గా అభివర్ణించారు.

అంతకుముందు ఇండోనేషియా చేరుకోగానే ప్రధాని మోదీకి ఘనస్వాగతం లభించింది. భారత సమాజం సాంస్కృతిక ప్రదర్శనలతో స్వాగతం పలికింది. ఇండోనేషియా ప్రభుత్వం దేశ అత్యున్నత పౌర పురస్కారమైన బింటాంగ్ ఆదిపూర్ణతో ప్రధానిని సత్కరించింది. అధ్యక్షుడు సుబియాంటో ఈ పురస్కారాన్ని అందజేశారు.