AP డిప్యూటీ స్పీకర్ రఘురామ కృష్ణరాజు భూకబ్జా ఆరోపణలు; పోలీసులు కేసు నమోదు

మధురవాడలో తన స్థలం కబ్జాకు గురైనట్లు ఏపీ అసెంబ్లీ డిప్యూటీ స్పీకర్ రఘురామ కృష్ణరాజు పోలీసులకు ఫిర్యాదు చేశారు. ఆయన ఫిర్యాదు మేరకు పీఎం పాలెం పోలీసులు కేసు నమోదు చేసి దర్యాప్తు ప్రారంభించారు.

రఘురామ కృష్ణరాజు 1989 జూలైలో మధురవాడ మారుతి నగర్ లేఔట్‌లో 333.33 గజాల స్థలాన్ని కొనుగోలు చేశారు. అయితే అదే ఏడాది డిసెంబర్‌లో ఆయన సంతకం ఫోర్జరీ చేసి, నకిలీ పత్రాలు సృష్టించి, మరొకరి పేరుకు రిజిస్ట్రేషన్ చేసినట్లు ఆరోపించారు. పోలీసుల సమాచారం ప్రకారం, 1991లో దంతలూరి సత్యనారాయణమ్మ, 2001లో గణపతిరాజు సాయి భాస్కర్ పేర్లతో రిజిస్ట్రేషన్ పత్రాలు ఉన్నాయి.

ఇటీవల ఆ స్థలాన్ని శుభ్రం చేసేందుకు వెళ్లిన వారు, అది డిప్యూటీ స్పీకర్‌కు చెందిన స్థలమని గుర్తించి ఆయనకు చెప్పారు. దీంతో రఘురామ కృష్ణరాజు 20వ తేదీన ఫిర్యాదు చేయగా, పోలీసులు ఎఫ్ఐఆర్ నమోదు చేశారు. ఈ స్థలం 1989 నుంచి ముగ్గురి చేతులు మారినట్లు పత్రాలు ఉన్నాయని, ప్రస్తుతం రిజిస్ట్రేషన్ శాఖ నుంచి సమాచారం సేకరిస్తూ దర్యాప్తు చేస్తున్నామని పోలీసులు తెలిపారు.