ఏపీలో నేటి నుంచి జూనియర్ డాక్టర్ల సమ్మె; స్టైపెండ్ పెంపు డిమాండ్

ఆంధ్రప్రదేశ్‌లో జూనియర్ డాక్టర్లు నేటి నుంచి సమ్మె చేపట్టారు. స్టైపెండ్ పెంపును డిమాండ్ చేస్తూ వైద్య సేవలకు అంతరాయం కలిగిస్తున్నారు.

AP జూనియర్ డాక్టర్స్ అసోసియేషన్ నిర్ణయం ప్రకారం రాష్ట్రంలోని అన్ని మెడికల్ కాలేజీలు, టీచింగ్ ఆస్పత్రుల్లో ఇంటర్న్‌లు, పీజీలు, సీనియర్ రెసిడెంట్లు సమ్మెలో పాల్గొంటున్నారు. ఉదయం 8 నుంచి మధ్యాహ్నం 12 గంటల వరకు నాన్ ఎమర్జెన్సీ సేవలు నిలిపివేశారు. రేపు నుంచి నాలుగు రోజుల పాటు ఉదయం 8 నుంచి సాయంత్రం 4 గంటల వరకు నిరసన కొనసాగిస్తారు.

స్టైపెండ్ పెంపుపై ఉన్నతాధికారులతో జరిగిన చర్చల్లో ఎలాంటి హామీ లభించలేదని అసోసియేషన్ తెలిపింది. అత్యవసర, ఐసీయూ సేవలు యథావిధిగా కొనసాగిస్తామని, ప్రభుత్వం స్పష్టమైన హామీ ఇస్తే సమ్మె విరమిస్తామని జూనియర్ డాక్టర్లు అల్టిమేటం జారీ చేశారు.