ఏపీ లిక్కర్ స్కాం కేసులో ముగ్గురు నిందితులకు 3 రోజుల ఈడీ కస్టడీ

ఏపీ లిక్కర్ స్కాం కేసులో నిందితులైన వాసుదేవరెడ్డి, రాజు కేసి రెడ్డి, కారుమూరి సునీల్‌లకు నాంపల్లి కోర్టు 3 రోజుల ఈడీ కస్టడీ మంజూరు చేసింది. ఈడీ దాఖలు చేసిన కస్టడీ పిటిషన్‌పై విచారణ తర్వాత కోర్టు ఈ నిర్ణయం తీసుకుంది.

ఈరోజు నుంచి 3 రోజుల పాటు ఈ ముగ్గురిని ఈడీ అధికారులు కస్టడీలో ఉంచి విచారిస్తారు. వారిని చంచలగూడ జైల్ నుంచి ఈడీ కార్యాలయానికి తరలించనున్నారు.

గత ప్రభుత్వ హయాంలో మధ్యం రవాణా టెండర్ల కేటాయింపులో అవకతవకలు జరిగాయన్న ఆరోపణలపై ఈడీ మనీ లాండరింగ్ కోణంలో దర్యాప్తు చేపట్టింది. నిబంధనలకు విరుద్ధంగా టెండర్ నిబంధనలను సవరించడం వల్ల ప్రభుత్వానికి సుమారు 195 కోట్ల రూపాయల నష్టం జరిగిందని ఈడీ అభియోగపత్రంలో తెలిపింది.

ఈ కేసులో ఇప్పటికే పలువురు అధికారులు, సంబంధిత వ్యక్తులను విచారించిన ఈడీ ఇప్పుడు నిందితులను ప్రశ్నించి మరిన్ని వివరాలు సేకరించనుంది. ఈ మూడు రోజుల విచారణలో మధ్యం రవాణా టెండర్ల ప్రక్రియ, ఆర్థిక లావాదేవీలు, నిధుల బదిలీలపై నిందితులను ప్రశ్నించే అవకాశం ఉంది.