మహిళా భద్రత కోసం 'అభయ' కార్యక్రమం ప్రారంభించిన హోంమంత్రి అనిత

AP హోంమంత్రి వంగలపూడి అనిత మహిళా భద్రత కోసం ‘అభయ’ కార్యక్రమాన్ని ప్రారంభించారు. అనకాపల్లి జిల్లా పోలీస్ శాఖ నిర్వహించిన ఈ కార్యక్రమం నక్కపల్లిలో జరిగింది.

ఈ సందర్భంగా ఆమె మాట్లాడుతూ, పాఠశాలలు, కళాశాలలు, బస్ స్టాండ్లు, రైల్వే స్టేషన్లలో అభయ ఫిర్యాదు పెట్టెలు ఏర్పాటు చేస్తామని ప్రకటించారు. మహిళలు ఎలాంటి భయం లేకుండా జీవించేందుకు 100 రోజుల ప్రణాళికతో ఈ కార్యక్రమాన్ని చేపట్టినట్లు వివరించారు.

నేరాలు జరిగిన తర్వాత శిక్షించడం కంటే, నేరాలు జరగకుండా నివారించడమే ప్రధానమని ఆమె అన్నారు. ఈ బాధ్యత తల్లిదండ్రులు, సమాజం అందరిపైనా ఉందని హోంమంత్రి సూచించారు.