డ్రగ్స్ వినియోగం 13 ఏళ్ల నుంచే మొదలు: AP మంత్రి అనిత

AP హోం మంత్రి అనిత యువతలో డ్రగ్స్ వినియోగం పెరుగుతోందని ఆందోళన వ్యక్తం చేశారు. ఒక సర్వేలో 13 ఏళ్ల వయసు నుంచే డ్రగ్స్ తీసుకోవడం మొదలవుతోందని తెలిపారు.

13 నుంచి 18 ఏళ్ల వయసు మధ్య వారు మొదటిసారి డ్రగ్స్, గాంజా, మద్యం వినియోగిస్తున్నారు. స్నేహితుల ప్రభావం వల్ల 60 నుంచి 70 శాతం మంది ఇలా ప్రారంభిస్తున్నారని సర్వేలో తేలింది.

ఈ పరిస్థితిని అదుపు చేసేందుకు ప్రభుత్వం ఎన్డీపీఎస్ చట్టం కింద కఠిన చర్యలు తీసుకుంటోందని మంత్రి చెప్పారు. గాంజా సరఫరాదారుల ఆస్తులను సీజ్ చేశామని, ఇప్పటికే రూ.24 కోట్ల విలువైన ఆస్తులు జప్తు చేసినట్లు వెల్లడించారు.

ఇంకా ఈగల్ టీమ్ మరియు పోలీస్ శాఖ సమన్వయంతో గాంజా డిటెక్షన్ కిట్లను సరఫరా చేశామని అన్నారు. యూరిన్ టెస్ట్ ద్వారా త్వరగా గుర్తించవచ్చు. టెస్ట్ పాజిటివ్ వస్తే, బాధితులను రిహాబిలిటేషన్ సెంటర్‌లకు తరలిస్తాము. ఒప్పుకోని వారిపై కేసులు నమోదు చేసి చట్టపరమైన చర్యలు తీసుకుంటామని మంత్రి వివరించారు.

యువతలో డ్రగ్స్ వినియోగంపై ప్రజలు అప్రమత్తంగా ఉండాలని మంత్రి సూచించారు.