AP మున్సిపల్ ఎన్నికల ఓట్ల లెక్కింపు ఈరోజు ఉదయం 8 గంటలకు ప్రారంభం

ఆంధ్రప్రదేశ్‌లో మున్సిపల్ ఎన్నికల ఓట్ల లెక్కింపు ఈరోజు ఉదయం 8 గంటలకు ప్రారంభం కానుంది. మొదట పోస్టల్ బ్యాలెట్ ఓట్లను లెక్కిస్తారు. ఆ తర్వాత బ్యాలెట్ బాక్సులను ఓపెన్ చేసి ఓట్లను లెక్కిస్తారు.

రాష్ట్రవ్యాప్తంగా 13 మున్సిపల్ కార్పొరేషన్లు, 79 మున్సిపాలిటీలు, నగర పంచాయతీలకు సంబంధించిన ఫలితాలు ఈరోజు వెలువడనున్నాయి. మొత్తం 3,186 వార్డుల ఓట్లను లెక్కించనున్నారు.

లెక్కింపు కోసం రాష్ట్రవ్యాప్తంగా 138 కౌంటింగ్ కేంద్రాలు ఏర్పాటు చేశారు. ఇందులో 556 హాళ్లు, 6,831 టేబుల్స్ సిద్ధం చేశారు. ప్రతి కౌంటింగ్ టేబుల్‌కు ఒక సూపర్‌వైజర్‌ను కేటాయించారు. లెక్కింపు ప్రక్రియను పర్యవేక్షించేందుకు 47,817 మంది సిబ్బందిని నియమించారు.

కౌంటింగ్ హాళ్లు, స్ట్రాంగ్ రూమ్‌ల దగ్గర పటిష్ట భద్రత ఏర్పాటు చేశారు. CCTV కెమెరాల వీడియో రికార్డింగ్‌తో లెక్కింపు ప్రక్రియ మొత్తాన్ని పర్యవేక్షిస్తారు.

ఉదయం 8 గంటలకు మొదలయ్యే లెక్కింపును రాత్రి 8 గంటలలోగా పూర్తి చేయాలని ఎన్నికల సంఘం ఆదేశాలు ఇచ్చింది.