ఢిల్లీలో పాత వాహనాలపై నిషేధం: PUC లేకుంటే ₹20,000 జరిమానా

ఢిల్లీలో వాయు కాలుష్యం పెరుగుతున్న నేపథ్యంలో పాత వాహనాలపై ప్రభుత్వం ఆంక్షలు విధించింది. BS6 కాని పెట్రోల్, డీజిల్ వాహనాలను ఢిల్లీలోకి అనుమతించడం లేదు. పొరుగు రాష్ట్రాల నుంచి వచ్చే ఈ వాహనాలను సరిహద్దుల్లోనే ఆపి వెనక్కి పంపిస్తున్నారు.

పొల్యూషన్ సర్టిఫికెట్ (PUC) లేని వాహనాలకు ₹20,000 జరిమానా విధిస్తున్నారు. ఇప్పటికే 600 వాహనాలపై చలాన్లు వేసి ₹70 లక్షలకు పైగా వసూలు చేసినట్టు RTO అధికారులు తెలిపారు. ఢిల్లీలో రిజిస్టర్ అయిన వాహనాలు కూడా PUC లేకుండా రోడ్డుపైకి రాకూడదు. సర్టిఫికెట్ చూపించని వాహనాలకు పెట్రోల్ బంకుల్లో ఇంధనం ఇవ్వడం లేదు.

CNG, ఎలక్ట్రిక్ వాహనాలకు ఈ నిషేధం నుంచి మినహాయింపు ఉంది. ప్రైవేట్ ఆఫీసుల్లో సగం మంది ఉద్యోగులు ఇంటి నుంచి పని చేయాలని ఆదేశాలు జారీ అయ్యాయి. నిర్మాణ, పుల్లింగ్ పనులపై సైతం నిషేధం విధించారు.

ఉదయం ఏడు, ఎనిమిది గంటలకు కూడా పొగమంచు కారణంగా రోడ్లు మసక మసకగా కనిపిస్తున్నాయి. శీతాకాలం ప్రారంభమవడంతో దేశ రాజధానిలో కాలుష్య స్థాయిలు మళ్లీ పెరిగాయి.

పండుగ సమయంలో టపాకాయలు కాల్చవద్దని ప్రభుత్వం విజ్ఞప్తి చేసింది.