ప్రభుత్వ విప్ పదవికి జనసేన ఎమ్మెల్యే అరవ శ్రీధర్ రాజీనామా

జనసేన ఎమ్మెల్యే అరవ శ్రీధర్ ప్రభుత్వ విప్ పదవికి రాజీనామా చేశారు. పవన్ కళ్యాణ్‌తో సమావేశమైన తర్వాత తన రాజీనామా పత్రాన్ని అందజేశారు.

ఇదే నియోజకవర్గంలో పనిచేస్తున్న ఒక మహిళా ప్రభుత్వ ఉద్యోగి అరవ శ్రీధర్‌పై అత్యాచారం, మోసం అనే ఆరోపణలు చేసింది. ఈ వివాదంలో ఎమ్మెల్యేకు, బాధిత మహిళకు పరస్పర కేసులు నమోదయ్యాయి. ఈ ఘటన జనవరిలో వెలుగులోకి వచ్చింది.

ఆరోపణలపై విచారించేందుకు జనసేన ముగ్గురు సభ్యులతో కూడిన కమిటీని నియమించింది. ఆ కమిటీ అరవ శ్రీధర్‌తో సహా పార్టీ కార్యకర్తలను విచారించి పవన్ కళ్యాణ్‌కు నివేదిక సమర్పించింది.

ప్రస్తుతం విప్ పదవికి రాజీనామా చేసిన అరవ శ్రీధర్ ఎమ్మెల్యేగా కొనసాగుతున్నారు. పోలీసు కేసు దర్యాప్తు పూర్తయిన తర్వాత తుది చర్యలు తీసుకుంటారని భావిస్తున్నారు.