అయోధ్య రామాలయ కానుకల చోరీ: 8 మంది నిందితుల ఇళ్లలో సిట్ సోదాలు

అయోధ్య రామాలయ కానుకల చోరీ కేసులో సిట్ దర్యాప్తు ముమ్మరం చేసింది. ఎనిమిది మంది నిందితుల నివాసాల్లో సోదాలు జరుపుతున్నట్లు అధికారులు తెలిపారు. అనుకల్ప మిశ్ర, టిన్ను యాదవ్, మనీష్ యాదవ్ తదితరుల ఇళ్లలో తనిఖీలు కొనసాగుతున్నాయి.

ఇప్పటికే ఈ కేసులో 40 మంది ప్రమేయాన్ని సిట్ గుర్తించింది. నిర్లక్ష్యంగా వ్యవహరించిన ఆరోపణలపై విచారణ జరుగుతోంది. కంట్రోల్ రూమ్ ఇన్ఛార్జి, విధుల్లో ఉన్న సిబ్బందిపై దర్యాప్తు బృందం దృష్టి పెట్టింది. లెక్కింపు గది బయట ఉన్న ప్రైవేట్ భద్రత సిబ్బందిపై కూడా నిఘా ఉంచారు.

అయోధ్య విరాళాల లెక్కింపు సమయంలో 39 రోజుల్లో 70 దొంగతనాలు జరిగినట్లు సిట్ గుర్తించినట్లు సమాచారం. నిందితుల కుటుంబ సభ్యులను ప్రశ్నించి ఆధారాలు సేకరిస్తున్నారు.