ప్రైవేట్ నుంచి ప్రభుత్వ స్కూల్‌కు మారిన 35 మంది విద్యార్థులకు బెలూన్లతో స్వాగతం

పార్వతీపురం మన్యం జిల్లా మామిడిపల్లిలోని ZP ఉన్నత పాఠశాలలో ప్రైవేట్ స్కూళ్ల నుంచి మారిన 35 మంది విద్యార్థులను ఉపాధ్యాయులు రంగు రంగుల బెలూన్లతో స్వాగతించారు.

పాఠశాల ప్రధానోపాధ్యాయుడు కోట అయ్యప్ప మాట్లాడుతూ, పదో తరగతి ఫలితాల్లో 99% ఉత్తీర్ణత సాధించామని తెలిపారు. మంత్రి నారా లోకేష్ సూచనల మేరకు విద్యార్థులకు అవసరమైన కార్యక్రమాలు చేపడుతున్నామని చెప్పారు.

విద్యార్థులు తమ లక్ష్యాల గురించి మాట్లాడుతూ, ప్రభుత్వ పాఠశాలలో చదివి ఐఐటి సీటు సాధించాలని ఉన్నామన్నారు. ప్రైవేట్ స్కూళ్లలో ఐఐటి సీట్లు రావడం కష్టమని, అందుకే ప్రభుత్వ పాఠశాలకు వచ్చామని చెప్పారు.

ప్రభుత్వ పాఠశాలలో సైన్స్ ల్యాబ్, ఆట స్థలం, లైబ్రరీ వంటి సౌకర్యాలు మెరుగ్గా ఉన్నాయని విద్యార్థులు తెలిపారు. పదో తరగతిలో 500 మార్కులు దాటిన విద్యార్థుల సంఖ్య గణనీయంగా పెరిగిందని, ఐఐటి సీట్లు పొందుతున్న విద్యార్థులు కూడా ఎక్కువ అవుతున్నారని ఉపాధ్యాయులు వివరించారు.

ప్రభుత్వ పాఠశాలలో వస్తున్న మార్పులతో గ్రామీణ ప్రాంతాల విద్యార్థులు, తల్లిదండ్రులు నమ్మకంతో ప్రభుత్వ పాఠశాల వైపు మొగ్గు చూపుతున్నారు. కార్పొరేట్ స్కూళ్ల నుంచి కూడా విద్యార్థులు ఇక్కడికి మారుతున్నట్లు ఉపాధ్యాయులు తెలిపారు.