15వ ఆర్థిక సంఘ నిధుల మళ్లింపుపై కేంద్రానికి బండి సంజయ్ లేఖ

కేంద్ర మంత్రి బండి సంజయ్ కేంద్ర పంచాయతీరాజ్ శాఖ మంత్రి లలన్ సింగ్‌కు లేఖ రాశారు. రాష్ట్ర ప్రభుత్వం 15వ ఆర్థిక సంఘం నిధులను మళ్లిస్తోందని ఆరోపించారు. పంచాయతీ అభివృద్ధి పనుల కోసం కేటాయించిన నిధులను ఇతర అవసరాలకు వినియోగిస్తున్నారని లేఖలో పేర్కొన్నారు.

వివరాల ప్రకారం.. కరెంట్ బిల్లులు, డీజిల్ బిల్లులు, శానిటేషన్ సిబ్బంది జీతాలు, ట్రాక్టర్ ఈఎంఐలు, కాంట్రాక్టర్ల పాత బకాయిల చెల్లింపులకు ఈ నిధులను వాడుతున్నారని ఆరోపించారు. నిర్దేశిత లక్ష్యాలకు విరుద్ధంగా నిధులు ఖర్చు చేస్తున్నారని లేఖలో విమర్శించారు.

ఇలాంటి ఉల్లంఘనలపై రాష్ట్ర ప్రభుత్వం నుంచి వివరణ కోరాలని, భవిష్యత్తులో ఇలాంటివి జరగకుండా అవసరమైన సవరణ చర్యలు చేపట్టేలా ఆదేశించాలని బండి సంజయ్ కోరారు. ఈ విషయంపై తెలంగాణ ప్రభుత్వం స్పందన తెలియాల్సి ఉంది.