బాపట్ల: ఐదుగురు చిన్నారులను తల్లిదండ్రులే విక్రయించారని ఆరోపణలు; దర్యాప్తు ప్రారంభం

బాపట్ల జిల్లా బాపట్ల పట్టణంలోని రాజీవ్ గాంధీ కాలనీలో ఒకే కుటుంబానికి చెందిన ఐదుగురు చిన్నారులను తల్లిదండ్రులు విక్రయించినట్టు ఆరోపణలు వెలువడ్డాయి. ఈ ఘటన ఆలస్యంగా వెలుగులోకి వచ్చింది.

జిల్లా కలెక్టర్‌కు సమాచారం అందడంతో మహిళా శిశు సంక్షేమ శాఖ, ఐసీడీఎస్ అధికారి, పోలీసులు సంయుక్తంగా సమగ్ర దర్యాప్తు ప్రారంభించారు. ప్రస్తుతం పిల్లలు ఎక్కడ ఉన్నారు, ఎవరెవరికి విక్రయించారు అనే విషయంపై ఆధారాలు సేకరిస్తున్నారు.

ఆర్థిక ఇబ్బందులు, ఇతర కారణాలతోనే తల్లిదండ్రులు ఈ నిర్ణయం తీసుకున్నట్లు స్థానికులు చెబుతున్నారు. విక్రయం నిజమని నిర్ధారణ అయితే తల్లిదండ్రులతోపాటు పిల్లలను కొనుగోలు చేసిన వారిపై కఠిన క్రిమినల్ కేసులు నమోదు చేస్తామని అధికారులు హెచ్చరించారు.

చిన్నారుల విక్రయం లేదా నవజాత శిశువుల అక్రమ రవాణా చట్టరిత్యా తీవ్రమైన నేరం. ఇలాంటి అనుమానాస్పద ఘటనలు గమనిస్తే వెంటనే టోల్ ఫ్రీ నంబర్ 1098 లేదా 10012 కి సమాచారం ఇవ్వాలని అధికారులు కోరారు.