2028 నాటికి అమరావతిలో బసవతారకం క్యాన్సర్ హాస్పిటల్ తొలి దశ పూర్తి: బాలకృష్ణ

అమరావతిలో నిర్మాణంలో ఉన్న బసవతారకం క్యాన్సర్ హాస్పిటల్ మొదటి దశ 2028 నాటికి పూర్తవుతుందని ఆసుపత్రి చైర్మన్ నందమూరి బాలకృష్ణ తెలిపారు. ఈ హాస్పిటల్‌లో 500 పడకలు ఏర్పాటు చేస్తున్నారు.

నిర్మాణ పనులను బాలకృష్ణ శనివారం స్వయంగా పరిశీలించారు. ఎక్స్కవేషన్ పనులు పూర్తయ్యాయని, జూలై 15-20 మధ్యలో ఫుట్టింగ్ పూర్తి చేసేందుకు కార్మికులు శ్రమిస్తున్నారని ఆయన చెప్పారు. హాస్పిటల్‌లో ప్రధాన బ్లాక్, ఇమ్యునోథెరపీ బ్లాక్ అనే రెండు బ్లాక్‌లు ఉంటాయని, హాస్పిటల్ చుట్టూ రోడ్లు వేస్తున్నామని వివరించారు.

హైదరాబాద్‌లోని బసవతారకం ఆసుపత్రి విస్తరణ పనులను కూడా త్వరలోనే పూర్తి చేస్తామని బాలకృష్ణ తెలిపారు. కార్మికులు అంకితభావంతో పనిచేస్తున్నారని, ఈ ఆసుపత్రి అందరికీ ఉపయోగపడుతుందని ఆయన అన్నారు.