ఫీజు రీఇంబర్స్మెంట్ బకాయిలు వెంటనే చెల్లించాలని BC సంక్షేమ సంఘం డిమాండ్

హైదరాబాద్: రాష్ట్రంలో ఫీజు రీఇంబర్స్మెంట్ పథకాన్ని రద్దు చేయాలనే ఆలోచనను ప్రభుత్వం విరమించుకోవాలని, పెండింగ్‌లో ఉన్న రూ.8,000 కోట్ల బకాయిలను వెంటనే చెల్లించాలని BC సంక్షేమ సంఘం డిమాండ్ చేసింది. సంఘం అధ్యక్షుడు ఆర్. కృష్ణయ్య మాట్లాడుతూ, ఈ నెల 30న రాష్ట్రవ్యాప్తంగా కళాశాలల బహిష్కరణ, కలెక్టరేట్లు, RDO, MRO కార్యాలయాల ముట్టడి చేస్తామని హెచ్చరించారు. హైదరాబాద్‌లోని BC భవన్‌లో జాతీయ కార్యనిర్వాహక అధ్యక్షుడు అరుణ్ కుమార్, రాష్ట్ర కార్యనిర్వాహక అధ్యక్షుడు నీలా వెంకటేష్ నేతృత్వంలో 14 BC సంఘాల నాయకుల సమావేశం జరిగింది.

విద్యార్థుల ఉజ్వల భవిష్యత్తు కోసం ఈ పథకాన్ని యథాతథంగా కొనసాగించాలని, కాంట్రాక్టర్లకు నిధులు ఇవ్వడానికి ప్రభుత్వం అప్పులు చేసినట్లే, ఫీజు రీఇంబర్స్మెంట్ బకాయిలు చెల్లించేందుకు కూడా రుణాలు తీసుకోవాలని నాయకులు డిమాండ్ చేశారు. తమ డిమాండ్ల నేరవేర్చాలంటూ ఈ నెల 30వ తేదీన రాష్ట్రవ్యాప్తంగా నిరసన కార్యక్రమాలు నిర్వహిస్తామని తెలిపారు.

ఈ విషయంపై రాష్ట్ర ప్రభుత్వం నుంచి స్పందన రావాల్సి ఉంది.