బీచ్ షాక్స్ పైలట్ ప్రాజెక్ట్: ప్రజాభిప్రాయాన్ని తీసుకుంటామన్న హోం మంత్రి అనిత

AP హోం మంత్రి వంగలపూడి అనిత బీచ్ షాక్స్ ప్రాజెక్ట్‌ను ప్రస్తుతం పైలట్‌గా మాత్రమే నిర్వహిస్తున్నట్లు తెలిపారు. ప్రజలకు ఇబ్బంది కలిగించే కార్యక్రమాలను ప్రభుత్వం చేపట్టదని ఆమె స్పష్టం చేశారు.

నాలుగు నుంచి ఐదు రోజుల పాటు ఈ ప్రయోగం జరుగుతుందని, ఇందులో భాగంగా టూరిజం అభివృద్ధి, పోలీసు సహకారం, సాయంత్రం వేళల్లో పాటించాల్సిన పరిమితులు వంటి అంశాలన్నీ పరిశీలిస్తామన్నారు. ప్రజాభిప్రాయం తీసుకొని కొనసాగించాలా వద్దా అనే నిర్ణయం తీసుకుంటామన్నారు.

ఈ ప్రయోగంపై ప్రజల నుంచి మిశ్రమ స్పందన వస్తుందని, కానీ ప్రభుత్వం అన్ని కోణాల్లో ఆలోచించి ఈ చర్య తీసుకుందని ఆమె వివరించారు. ప్రజలు ఆందోళన చెందాల్సిన పనిలేదని, వేచి చూడాలని కోరారు. టూరిజం పెరగడం, ప్రజలకు ఇబ్బంది లేకుండా ఉండటం, శాంతిభద్రతల సమస్య రాకపోవడమే ప్రభుత్వ ప్రాధాన్యాలని హోం మంత్రి పేర్కొన్నారు.