బీజేపీ ఎమ్మెల్యే కైలాష్ గెహ్లాట్ కుమార్తె దెవినా సీయూఈటీ యూజీ 2026లో ఆల్ ఇండియా ఫస్ట్ ర్యాంక్

దిల్లీ బీజేపీ ఎమ్మెల్యే కైలాష్ గెహ్లాట్ కుమార్తె దెవినా గెహ్లాట్ సీయూఈటీ యూజీ 2026 పరీక్షలో ఆల్ ఇండియా ఫస్ట్ ర్యాంక్ సాధించారు. ఈ విజయంపై స్పందించిన ఆమె, పరీక్ష బాగా రాసినా టాపర్ అవుతానని ఊహించలేదని తెలిపారు. ఫలితం చూసిన వెంటనే తన అప్లికేషన్ నంబర్ మూడు నాలుగు సార్లు మ్యాచ్ చేసుకున్నానని, ఇప్పటికీ నమ్మలేకపోతున్నానని ఆనందం వ్యక్తం చేశారు. ఢిల్లీలోని డీపీఎస్ వసంత్ కుంజ్ విద్యార్థి అయిన దెవినా, సీయూఈటీ కోసం ప్రత్యేకంగా కాకుండా బోర్డు పరీక్షల తరహాలోనే ప్రిపేర్ అయినట్లు వెల్లడించారు. ఎన్సీఈఆర్టీ పుస్తకాలే ప్రధానంగా చదివానని, previous year ప్రశ్నపత్రాలు సాధన చేయడం వల్ల ఆత్మవిశ్వాసం పెరిగిందని చెప్పారు. రోజంతా కూర్చుని చదవాలన్న ఒత్తిడి తీసుకోలేదని, క్రమం తప్పకుండా రివిజన్, విరామాలు తీసుకోవడం ముఖ్యమని అన్నారు. తల్లిదండ్రులు, సోదరి, ఉపాధ్యాయుల సహకారం లేకుండా ఈ ర్యాంక్ సాధ్యమయ్యేది కాదని ఆమె కృతజ్ఞతలు తెలిపారు. తండ్రి కైలాష్ గెహ్లాట్ దిల్లీ మాజీ మంత్రి, ప్రస్తుత బీజేపీ ఎమ్మెల్యే కావడం గమనార్హం. ఇతర విద్యార్థులకు ఇచ్చిన సలహాలో, ఒత్తిడి తీసుకుంటే కాన్ఫిడెన్స్ తగ్గుతుందని, ఎన్సీఈఆర్టీకి కట్టుబడి ఉండాలని, రెగ్యులర్ రివిజన్ చేయాలని సూచించారు. తన తాతగారు చెప్పినట్లు 95% కష్టపడి, 5% అదృష్టం కలిసి ఈ ర్యాంక్ వచ్చిందని దెవినా తెలిపారు.