బీజేపీ జాతీయ ప్రధాన కార్యదర్శి నితిన్ నబీన్ సిన్హా మూడు రోజుల తెలంగాణ పర్యటన నేటి నుంచి

బీజేపీ జాతీయ ప్రధాన కార్యదర్శి నితిన్ నబీన్ సిన్హా నేటి నుంచి తెలంగాణలో మూడు రోజుల పర్యటన చేపడుతున్నారు. మధ్యాహ్నం 2:45 గంటలకు శంషాబాద్ విమానాశ్రయానికి చేరుకోనున్నారు.

రంగారెడ్డి జిల్లా గ్రామీణ పార్టీ కార్యాలయాన్ని ప్రారంభించడంతోపాటు, మరో తొమ్మిది జిల్లా కార్యాలయాలను వర్చువల్ విధానంలో ఆయన ప్రారంభిస్తారు. అనంతరం, నాంపల్లి ఎగ్జిబిషన్ మైదానంలో జరిగే 'విజయ సంకల్ప సమ్మేళనం'లో పాల్గొని, హైదరాబాద్, సైబరాబాద్, మల్కాజిగిరి కార్పొరేషన్ల బూత్ అధ్యక్షులను ఉద్దేశించి ప్రసంగిస్తారు. అదే రోజు రాష్ట్ర కార్యాలయంలో పార్టీ ఎంపీలు, ఎమ్మెల్యేలు, ఎమ్మెల్సీలతో గంటపాటు సమావేశం అవుతారు.

రెండో రోజు వరంగల్ జిల్లాలో పర్యటన ఉంటుంది. ఘట్కేసర్లోని VBIT కళాశాలలో జరిగే యువజన కాంక్లేవ్లో విద్యార్థులతో ముచ్చటించడంతోపాటు, హనుమకొండలో గిరిజన నాయకులతో కలిసి భోజనం చేస్తారు. తర్వాత ఆర్ట్స్ కళాశాలలో బూత్ అధ్యక్షుల సమావేశంలో పాల్గొని, కార్పొరేషన్ ఎన్నికలపై కార్యాచరణ దిశానిర్దేశం చేస్తారు. అనంతరం భద్రకాళి అమ్మవారి ఆలయంలో ప్రత్యేక పూజలు నిర్వహిస్తారు. రాత్రి బేగంపేట పర్యటక భవనంలో రాష్ట్ర పదాధికారులతో సమావేశం జరుగుతుంది.

మూడో రోజు బర్కత్పురాలో బ్రేక్ఫాస్ట్ మీటింగ్ అనంతరం, ఘట్కేసర్లోని రాక్ ఎన్క్లేవ్లో జరిగే రాష్ట్ర కార్యవర్గ సమావేశానికి ముఖ్య అతిథిగా హాజరవుతారు. ఈ సమావేశంలో రాజకీయ తీర్మానాలు, భవిష్యత్తు కార్యచరణ రూపొందిస్తారు. అనంతరం ఆయన తిరిగి ఢిల్లీ వెళ్లనున్నారు.

ఈ పర్యటన ప్రధానంగా తెలంగాణలో బీజేపీ పార్టీ సంస్థాగత బలోపేతం, వచ్చే కార్పొరేషన్ ఎన్నికల లక్ష్యంగా జరుగుతోంది. జాతీయ నాయకత్వం తెలంగాణపై ప్రత్యేక శ్రద్ధ పెట్టిందని పార్టీ వర్గాలు తెలిపాయి.