రూ.1000 కోట్ల భూ వ్యవహారం: మాజీ ఎమ్మెల్యే బొల్లా బ్రహ్మనాయుడు కోసం తెలంగాణ పోలీసుల గాలింపు

హైదరాబాద్‌లోని గండిపేట ప్రాంతంలో రూ.1000 కోట్ల విలువైన ప్రభుత్వ భూమి వ్యవహారంలో వినుకొండ మాజీ ఎమ్మెల్యే బొల్లా బ్రహ్మనాయుడుపై తెలంగాణ పోలీసులు కేసు నమోదు చేశారు.

ఈ కేసు నేపథ్యంలో బ్రహ్మనాయుడు అజ్ఞాతంలోకి వెళ్లారు. ఆయన ఆచూకీ కోసం నాలుగు బృందాలుగా పోలీసులు గాలింపులు చేపట్టారు.

హైదరాబాద్ సీసీఎస్ పోలీసులు నరసరావుపేటలోని బొల్లా బ్రహ్మనాయుడు నివాసానికి వచ్చి తనిఖీలు నిర్వహించారు. ఆయన ఇంటి వద్ద లేకపోవడంతో పోలీసులు వెనుదిరిగారు.