గోల్కొండ జగదాంబిక ఆలయంలో బోనాల పండగ: భక్తులు బోనాలు సమర్పించి మొక్కులు చెల్లించుకున్నారు

హైదరాబాద్‌లోని గోల్కొండ కోటలో వెలిసిన జగదాంబిక అమ్మవారికి బోనాల పండగ సందర్భంగా భక్తులు పెద్ద ఎత్తున బోనాలు సమర్పించారు. ఆదివారం ఉదయం నుంచి భక్తులు అధిక సంఖ్యలో ఆలయానికి చేరుకున్నారు.

మహిళలు కొత్త కుండల్లో బోనం తీసుకొచ్చి అమ్మవారికి నైవేద్యంగా సమర్పిస్తున్నారు. చాలామంది ఆలయ ప్రాంగణంలోనే వంటలు చేసుకుని భోజనాలు చేశారు. మేక, కోడి పోట్టేళ్లను బలి ఇచ్చి వాటితో వంటలు తయారు చేసుకున్నారు. కుటుంబాలు, స్నేహితులతో కలిసి వచ్చిన భక్తులు ఇక్కడే భోజనం చేస్తున్న దృశ్యాలు కనిపించాయి.

పోతురాజుల వేషాలు, డప్పు వాయిద్యాలతో ఆలయం కోలాహలంగా మారింది. ఘటాల ఊరేగింపులు జరిగాయి. పూనకాలు వచ్చిన భక్తులు నృత్యాలు చేశారు.

పోలీసులు భారీ సంఖ్యలో బందోబస్తు ఏర్పాటు చేశారు. ట్రాఫిక్ డైవర్షన్స్, పార్కింగ్ సౌకర్యాలు కల్పించారు. ప్రథమ చికిత్స, మెడికల్ క్యాంపులు, నీటి సదుపాయం వంటి ఏర్పాట్లు చేశారు. గత ఏడాదితో పోలిస్తే ఈసారి రెండింతలు భక్తులు వచ్చినట్లు స్థానికులు తెలిపారు.

ప్రతి ఏడాది లాగానే ఈసారీ భక్తులు దూర ప్రాంతాల నుంచి వచ్చారు. అమ్మవారు కోరిన కోర్కెలు తీరుస్తారని భక్తులు విశ్వాసం వ్యక్తం చేశారు. చాలామంది కుటుంబాలతో కలిసి వచ్చి ఇక్కడి సందడిని ఆస్వాదించారు.