BRS రక్తదానం, Congress ఫోటో ప్రదర్శన: కాళేశ్వరంపై రాజకీయ యుద్ధం

హైదరాబాద్ లో కాళేశ్వరం ప్రాజెక్టు వివాదం నేపథ్యంలో BRS, Congress పార్టీలు మంగళవారం ప్రత్యేక కార్యక్రమాలు నిర్వహించాయి. BRS తెలంగాణ భవన్ లో రక్తదాన శిబిరం ఏర్పాటు చేయగా, Congress గాంధీ భవన్ లో కాళేశ్వరం ప్రాజెక్టులో అవినీతి జరిగిందని ఆరోపిస్తూ ఫోటో ప్రదర్శన ఏర్పాటు చేసింది.

CM రేవంత్ రెడ్డి రైతులకు నీళ్లు కాకుండా రక్తం కావాలని ఇటీవల వ్యాఖ్యానించారని BRS నాయకులు ఆరోపించారు. ఆ వ్యాఖ్యలకు నిరసనగానే రక్తదానం నిర్వహించినట్లు వారు ప్రకటించారు. ఇటు Congress నిర్వహించిన ప్రదర్శనలో మాజీ CM కె.చంద్రశేఖర్ రావు (KCR) చిత్రపటంతో పాటు ‘అవినీతి కాళేశ్వరం’ అని పేర్కొనడం జరిగింది.

BRS శిబిరంలో సేకరించిన రక్తాన్ని CM నివాసానికి తీసుకెళ్లేందుకు కార్యకర్తలు ప్రయత్నించారు. ఈ క్రమంలో పోలీసులు అడ్డుకున్నారు. దీంతో తెలంగాణ భవన్ సమీపంలో కాసేపు ఉద్రిక్త పరిస్థితి నెలకొంది. నినాదాలు చేస్తూ BRS కార్యకర్తలు ఆందోళన వ్యక్తం చేశారు. తర్వాత పరిస్థితి అదుపులోకి వచ్చినట్లు పోలీసులు తెలిపారు.