పాకిస్తాన్ సరిహద్దులో BSF జవాన్ల దీపావళి వేడుకలు

పాకిస్తాన్ సరిహద్దులో విధులు నిర్వహిస్తున్న BSF జవాన్లు తమ సరిహద్దు క్యాంపులోనే దీపావళి పండుగను జరుపుకున్నారు. రాజస్థాన్‌లోని జైసల్మేర్ సెక్టార్‌లో ఈ వేడుకలు జరిగాయి.

హెడ్ క్వార్టర్స్ నుంచి జవాన్లకు మిఠాయిలు, క్యాండిల్స్, పటాసులు, రంగోలీ రంగులు పంపారు. వాటితో జవాన్లు క్యాంపులో రంగోలీ తయారు చేశారు. ఈ వేడుకల్లో మహిళా సైనికులూ పాల్గొన్నారు.

దేశం, విధి తమకు మొదట అని జవాన్లు అన్నారు. కుటుంబం జ్ఞాపకం వస్తుందని, అయితే ఏడాదిలో సగానికి పైగా గడిపే ఈ సరిహద్దు క్యాంపు కూడా తమకు కుటుంబమే అని వారు చెప్పారు. ఈ దీపావళిని ఇక్కడే జరుపుకుంటున్నామని, వచ్చే సంవత్సరం ఇంట్లో జరుపుకుంటామని కొందరు జవాన్లు తెలిపారు.

దేశ ప్రజలు ప్రశాంతంగా, భద్రంగా దీపావళి జరుపుకోవాలని జవాన్లు కోరారు. ప్రజల భద్రత కోసం తాము సరిహద్దులో విధులు నిర్వహిస్తున్నామని వారు చెప్పారు.