నెలకు ₹5,000 పెట్టి ₹3 కోట్లు సంపాదించొచ్చా? SIP కాంపౌండింగ్ రహస్యం

ప్రతి నెలా కేవలం 5,000 రూపాయలు పెట్టుబడి పెడితే 3 కోట్ల రూపాయలు సంపాదించవచ్చని ఆర్థిక నిపుణులు చెప్తున్నారు. ఇది నమ్మశక్యంగా అనిపించకపోవచ్చు, కానీ కాంపౌండింగ్ శక్తి వల్ల ఇది సాధ్యమవుతుందని నిపుణులు స్పష్టం చేస్తున్నారు.

SIP అంటే ప్రతి నెలా ఒక నిర్ణీత మొత్తాన్ని మ్యూచువల్ ఫండ్స్‌లో పెట్టుబడి పెట్టడం. సగటున సంవత్సరానికి 12% రిటర్న్స్ వస్తున్నాయని అనుకుంటే, నెలకు 5,000 రూపాయలు కట్టినప్పుడు 10 సంవత్సరాలకు మీరు కట్టేది 6 లక్షలు అయినా, అది 11 లక్షలకు పెరుగుతుంది. అదే 35 సంవత్సరాలు కడుతూ పోతే, మీరు కట్టేది కేవలం 21 లక్షలే అయినా, మొత్తం 3 కోట్ల రూపాయలకు చేరవచ్చని నిపుణులు పేర్కొంటున్నారు.

ఇందుకు కారణం 843 రూల్ అని ఆర్థిక నిపుణులు వివరిస్తున్నారు. అంటే 12% రిటర్న్స్ వద్ద మీ డబ్బు డబుల్ కావడానికి దాదాపు 8 సంవత్సరాలు పడుతుంది. మొదటిసారి కోటి రూపాయలు అవ్వడానికి ఎక్కువ కాలం పట్టవచ్చు, కానీ ఆ తర్వాత అదే మొత్తం మళ్ళీ డబుల్ కావడానికి కేవలం 4 సంవత్సరాలు చాలు. ఆ తర్వాత మూడు సంవత్సరాలలోనే మళ్ళీ డబుల్ అవుతుందట.

కాంపౌండింగ్‌కు అతి పెద్ద శత్రువు మార్కెట్ హెచ్చుతగ్గులు కాదు, మధ్యలో పెట్టుబడి ఆపేయడమే అని నిపుణులు హెచ్చరిస్తున్నారు. నష్టాలు వస్తున్నాయని పెట్టుబడి ఆపేస్తే మీరు కాంపౌండింగ్ శక్తిని కోల్పోతారు. ఎక్కువ మొత్తం కట్టడం కంటే, ఎక్కువ కాలం మార్కెట్‌లో ఉండడం చాలా ముఖ్యమని నిపుణులు స్పష్టం చేస్తున్నారు.