CBSE త్రిభాషా విధానం: 10వ తరగతికి మినహాయింపు, 6వ తరగతికే పరిమితం

CBSE త్రిభాషా విధానంపై కొత్త మార్గదర్శకాలు విడుదల చేసింది. ప్రస్తుత 10వ తరగతి విద్యార్థులకు త్రిభాషా విధానం వర్తించదని స్పష్టం చేసింది. గతంలో 6వ తరగతి నుంచి మూడు భాషలు చదవాలని, కనీసం రెండు భారతీయ భాషలు ఉండాలని నిర్ణయించింది. ఈ నిర్ణయంపై విమర్శలు వచ్చాయి. విద్యార్థులు, తల్లిదండ్రులు కోర్టును ఆశ్రయించారు.

దీంతో CBSE వెనక్కి తగ్గింది. ప్రస్తుతం 7వ, 8వ, 9వ తరగతుల్లో ఉన్న విద్యార్థులు 10వ తరగతికి వెళ్లిన తర్వాత మూడో భాషలో బోర్డు పరీక్ష రాయాల్సిన అవసరం లేదని తెలిపింది. 6వ తరగతి విద్యార్థులకు మాత్రమే త్రిభాషా సూత్రం వర్తిస్తుంది.

విద్యార్థులపై భారం తగ్గించడానికే ఈ నిర్ణయం తీసుకున్నట్లు బోర్డు పేర్కొంది. పాఠ్యపుస్తకాలు, బోధనా సామాగ్రిని ద్విభాషా రూపంలో అందిస్తామని తెలిపింది. 2026-27 విద్యా సంవత్సరం నుంచి ఈ మార్గదర్శకాలు అన్ని CBSE అనుబంధ పాఠశాలల్లో అమలు కానున్నాయి.