CBSE క్లారిటీ: మూడు భాషల రూలు కొత్తగా 6వ తరగతిలో చేరే విద్యార్థులకు మాత్రమే

CBSE బోర్డు కొత్త మూడు భాషల విధానంపై స్పష్టత ఇచ్చింది. ఈ రూలు కొత్తగా 6వ తరగతిలో చేరే విద్యార్థులకు మాత్రమే వర్తిస్తుందని తెలిపింది.

కేంద్ర ప్రభుత్వ కొత్త విద్యా విధానం ప్రకారం 6వ తరగతి నుంచి రెండు భారతీయ భాషలు, ఒక విదేశీ భాష చదవాల్సి ఉంటుంది. దీంతో అప్పటికే 7 నుంచి 10వ తరగతి వరకు రెండు విదేశీ భాషలు చదువుతున్న విద్యార్థులు, తల్లిదండ్రులు ఆందోళన చెందారు.

ఒకవేళ ఆ విద్యార్థులు కూడా వెంటనే మరో భారతీయ భాషను ఎంచుకోవాల్సి వస్తే, కొత్త భాష నేర్చుకోవడం పెద్ద సవాల్ అవుతుందని, మానసిక ఒత్తిడికి గురౌతారని వివిధ రాష్ట్రాల్లో నిరసనలు వ్యక్తమయ్యాయి. కొంతమంది తల్లిదండ్రులు సుప్రీంకోర్టును కూడా ఆశ్రయించారు.

ఈ నేపథ్యంలో విద్యాశాఖ స్పష్టత ఇచ్చింది. ఇప్పటికే 6 నుంచి 10వ తరగతిలో ఉన్న విద్యార్థులు ప్రస్తుతం చదువుతున్న భాషలనే యథాతథంగా కొనసాగించవచ్చని తెలిపింది. కొత్తగా 6వ తరగతిలో చేరే విద్యార్థులు మాత్రమే నూతన నిబంధన ప్రకారం భాషలను ఎంపిక చేసుకోవాలి.

ఈ ప్రకటనతో 7, 8, 9, 10వ తరగతి విద్యార్థులు, వారి తల్లిదండ్రులకు ఊరట లభించింది. అనవసరమైన గందరగోళం తొలగింది.