డబుల్ ఓటింగ్ చేస్తే ఏడాది జైలు శిక్ష: రాష్ట్ర ఎన్నికల ప్రధానాధికారి సుదర్శన్ రెడ్డి

రాష్ట్ర ఎన్నికల ప్రధానాధికారి (CEO) సుదర్శన్ రెడ్డి మాట్లాడుతూ, ఓటరు నమోదు ప్రక్రియలో ఒకే వ్యక్తి రెండు చోట్ల ఓటు వేస్తే ఏడాది జైలు శిక్ష పడుతుందని హెచ్చరించారు. DSCI సాఫ్ట్వేర్ ద్వారా దేశవ్యాప్తంగా రెండు ఓట్లను గుర్తిస్తామని చెప్పారు.

ప్రస్తుతం ఓటరు జాబితా సవరణ ప్రక్రియ కొనసాగుతోందని, ప్రతి ఇంటికీ ఎన్యూమరేషన్ ఫారాలు పంపిణీ చేస్తున్నామని తెలిపారు. ఒక వ్యక్తికి రెండు ఫారాలు ఇవ్వడం జరుగుతుందని, వాటిలో 2002 నాటి వివరాలు నమోదు చేయాలని సూచించారు.

2002 ఎస్ఐఆర్ ప్రక్రియలో వివరాలు లేని వారికి నోటీసులు పంపి ప్రత్యేక సర్వే నిర్వహించి ఓటర్లుగా చేరుస్తామని వివరించారు. తల్లిదండ్రులు 2002లో ఓటరు కాకపోయినా భయపడాల్సిన అవసరం లేదని, ప్రస్తుత ఫారం నింపితే సరిపోతుందని భరోసా ఇచ్చారు.

ఓటు హక్కు లేకపోతే సంక్షేమ పథకాలు అందకపోవడమనేది తమ పరిధి కాదని సుదర్శన్ రెడ్డి స్పష్టం చేశారు.