తిరుపతి జిల్లాలో మూడేళ్ల బాలిక హత్య కేసులో నిందితుడికి జీవిత ఖైదు

తిరుపతి జిల్లా పుత్తూరు మండలం ఏ.ఎమ్.పురం గ్రామంలో 2022 నవంబర్‌లో ఓ మూడేళ్ల బాలిక కనిపించకుండా పోయింది. ఈ కేసులో నిందితుడు నాగరాజు అలియాస్ సుశాంత అనే వ్యక్తికి కోర్టు జీవిత ఖైదు విధించింది.

పోలీసులు తొలుత మిస్సింగ్ కేసు నమోదు చేశారు. హోంమంత్రి వంగలపూడి అనిత ఆదేశాల మేరకు ఎస్పీ ఎల్.సుబ్బా రాయుడు, డీఎస్పీ రవికుమార్‌ల నేతృత్వంలో దర్యాప్తు ముమ్మరం చేశారు.

దర్యాప్తులో నిందితుడు బాలికను చాక్లెట్లు ఇచ్చి ఆకర్షించి, సమీపంలోని లంక కాలువ ప్రాంతానికి తీసుకెళ్లి హత్య చేసినట్లు తేలింది. అక్కడే మృతదేహం లభించింది. పోలీసులు చార్జిషీట్ దాఖలు చేశారు.

ఈ కేసు విచారణ పూర్తి చేసిన కోర్టు నిందితుడు నాగరాజుపై హత్య నేరం రుజువైనట్లు తేల్చి జీవిత ఖైదు విధించింది. ఈ తీర్పుతో బాధిత కుటుంబానికి న్యాయం లభించినట్లు పోలీస్ వర్గాలు తెలిపాయి.