షాబాద్ హత్యలు: రాజ్‌కుమార్ భార్య, పిల్లల మృతదేహాలు ఉస్మానియా ఆస్పత్రికి

రంగారెడ్డి జిల్లా షాబాద్‌లో జరిగిన ఘటనలో రాజ్‌కుమార్ అనే నిందితుడు ఆరుగురు కుటుంబ సభ్యులను హత్య చేశాడు. వీరిలో అతని భార్య, ఇద్దరు పిల్లలతో పాటు ఓ బాలిక, ఆమె తల్లి, నానమ్మ ఉన్నారు.

బాలిక, ఆమె తల్లి, నానమ్మల మృతదేహాలను చేవెళ్ళ ఏరియా ఆస్పత్రికి తరలించారు. రాజ్‌కుమార్ భార్య, ఇద్దరు పిల్లల మృతదేహాలను ఉస్మానియా ఆస్పత్రికి తరలించారు.

ఉస్మానియాలో ఇంకా బంధువులు ఎవరూ రాకపోవడంతో పోస్టుమార్టం ప్రారంభం కాలేదు. బంధువుల సంతకం తర్వాతే పోస్టుమార్టం ప్రారంభిస్తామని వైద్యులు తెలిపారు. రాజ్‌కుమార్ కుటుంబ సభ్యులు ఎవరూ ఇప్పటివరకు ఆస్పత్రికి రాలేదు.

బంధువులు వచ్చిన వెంటనే పోస్టుమార్టం ప్రారంభమవుతుందని వైద్యులు చెప్పారు.