తెలంగాణలో IIM ఏర్పాటుపై కేంద్రం స్పష్టత: ఇప్పట్లో ప్రతిపాదన లేదు

లోక్సభలో కాంగ్రెస్ ఎంపీ మల్లు రవి అడిగిన ప్రశ్నకు సమాధానంగా కేంద్ర విద్యాశాఖ మంత్రి సుఖంత మజుందార్ తెలంగాణలో ఇప్పట్లో ఇండియన్ ఇన్స్టిట్యూట్ ఆఫ్ మేనేజ్మెంట్ (IIM) ఏర్పాటు చేసే ప్రతిపాదన లేదని తెలిపారు.

దేశవ్యాప్తంగా 21 రాష్ట్రాల్లో 22 ఐఐఎంలు ఉన్నాయని, అయితే తెలంగాణ, గోవా, మణిపూర్, మిజోరం, త్రిపుర, అరుణాచల్ ప్రదేశ్, సిక్కిం రాష్ట్రాల్లో ఐఐఎంలు లేవని మంత్రి వివరించారు. హైదరాబాద్‌తో పాటు తెలంగాణలో కేంద్ర ప్రభుత్వ విద్యా సంస్థలు ఇప్పటికే చాలా ఉన్నాయని, రాష్ట్రంలో AISHE 2022-23 నివేదిక ప్రకారం 2070 ఉన్నత విద్యా సంస్థలు ఉండగా వాటిలో 604 సంస్థలు మేనేజ్మెంట్ కోర్సులు అందిస్తున్నాయని ఆయన తెలిపారు.

తెలంగాణ రాష్ట్ర ప్రభుత్వం IIM ఏర్పాటు కోసం భూమి ఇచ్చేందుకు సిద్ధంగా ఉన్నా, కేంద్రం నుంచి మాత్రం ఇప్పటివరకు ఎటువంటి సానుకూల సూచనలు లభించలేదు. మంత్రి సమాధానం ప్రకారం, తెలంగాణలో IIM ఏర్పాటు ప్రతిపాదనపై కేంద్రం సానుకూలంగా లేదు.