ఒంగోలులో చెడ్డీ గ్యాంగ్ అనుమానం: పోలీసులు అప్రమత్తం

ఒంగోలు నగరంలో చెడ్డీ గ్యాంగ్ సంచరిస్తున్నట్లు CCTV ఫుటేజ్ వైరల్ అవడంతో పోలీసులు అప్రమత్తమయ్యారు.

ఆరుగురు వ్యక్తులు బయటి నుంచి వచ్చినట్లు CCTV వీడియోలో కనిపిస్తున్నారు. అయితే వారు చెడ్డీ గ్యాంగ్ అని నిర్ధారించడానికి తగిన ఆధారాలు ఇంకా లభించలేదని జిల్లా SP హర్షవర్ధన్ రాజు తెలిపారు.

కళాశాలలు, హాస్టళ్లు, జనసంచారం ఎక్కువగా ఉండే ప్రాంతాల్లో ప్రత్యేక తనిఖీలు చేపట్టినట్లు SP పేర్కొన్నారు. అనుమానాస్పద వ్యక్తుల వేలిముద్రలు సేకరించడం, public address system ద్వారా ప్రకటనలు చేయడం వంటి చర్యలు తీసుకుంటున్నారు.

ప్రజలు భయపడకుండా అప్రమత్తంగా ఉండాలని SP హర్షవర్ధన్ రాజు సూచించారు.