సేవల సులభతరంపై చంద్రబాబు సమీక్ష; అమరావతి హైదరాబాద్ కంటే మెరుగ్గా ఉండాలి

ఏపీ సీఎం చంద్రబాబు నాయుడు ప్రభుత్వ సేవల సులభతరం, ప్రజా ఫిర్యాదుల వ్యవస్థపై సచివాలయంలో సమీక్ష నిర్వహించారు. అమరావతి రాజధాని నిర్మాణాన్ని హైదరాబాద్ కంటే మెరుగ్గా చేపట్టాలని ఆదేశించారు.

ఆర్టీజీఎస్ సెంటర్ నుంచి ప్రజలకు సేవలు సులభతరం చేసే ప్రక్రియ ప్రారంభించామని, తొలుత 11 రకాల సేవల్లో మార్పులు చేస్తున్నామని అధికారులు సీఎంకు వివరించారు. ప్రజలు ఆన్లైన్లో, వాట్సాప్ ద్వారా ఫిర్యాదులు చేసే అవకాశాన్ని కల్పించాలని సీఎం సూచించారు.

రాజధాని నిర్మాణ పనుల పురోగతిపై కాంట్రాక్ట్ సంస్థలతో చంద్రబాబు ప్రత్యేకంగా సమీక్షించారు. "దేశమంతా గర్వించదగిన రాజధానిగా అమరావతి రూపుదిద్దుకోవాలి. హైదరాబాద్ ప్లస్గా నిర్మించాలి" అని సీఎం అభిప్రాయపడ్డారు. నిర్మాణ పనుల్లో వేగం పెంచాలని, కాంట్రాక్ట్ సంస్థలు భాగస్వామ్యం కావాలని ఆదేశించారు.