నేడు మార్కాపురం జిల్లాలో సీఎం చంద్రబాబు పర్యటన – వెలిగొండ ప్రాజెక్టు, సంజీవని కార్యక్రమంలో భాగస్వామ్యం

ఏపీ సీఎం చంద్రబాబు నాయుడు నేడు మార్కాపురం జిల్లాలో పర్యటించనున్నారు. ఈ పర్యటనలో భాగంగా ఆయన వెలిగొండ ప్రాజెక్టును పరిశీలిస్తారు.

ప్రాజెక్టు పనుల పురోగతిపై సీఎం అధికారులతో సమీక్ష చేస్తారని అధికారులు తెలిపారు. ప్రాజెక్టు పనులు వేగంగా సాగుతున్నాయని మంత్రి గొట్టిపట్టి రవి పేర్కొన్నారు. సీఎం పర్యటన ఏర్పాట్లను ఎమ్మెల్యేలతో కలిసి అధికారులు పరిశీలించారు.

అదే జిల్లాలోని గిద్దలూరులో నిర్వహించే సంజీవని కార్యక్రమంలో సీఎం పాల్గొంటారు. అనంతరం కృష్ణం శెట్టిపల్లిలో సంజీవని లబ్ధిదారులతో ముఖాముఖి సమావేశం ఉంటుంది. ఆగస్టు 15 నుంచి సంజీవని పథకాన్ని రాష్ట్ర ప్రభుత్వం అమలు చేయనుంది.