సీఎం చంద్రబాబు గనుల శాఖ సమీక్ష, ఖనిజ మ్యాపింగ్ ఆదేశాలు

ఆంధ్రప్రదేశ్ ముఖ్యమంత్రి నారా చంద్రబాబు నాయుడు క్యాంప్ కార్యాలయంలో గనుల శాఖపై సమీక్ష నిర్వహించారు. రాష్ట్రంలోని వివిధ ప్రాంతాల్లో విలువైన ఖనిజ నిల్వలను గుర్తించాలని, దీని కోసం మినరల్ మ్యాపింగ్ చేయాలని అధికారులకు ఆదేశాలు జారీ చేశారు.

క్రిటికల్ మినరల్స్, బల్క్ మినరల్స్, విలువైన లోహాలు లభ్యమయ్యే ప్రాంతాలను గుర్తించేలా మ్యాపింగ్ జరగాలని సీఎం సూచించారు. ఖనిజాలకు విలువ జోడించే ప్రాసెసింగ్ ప్రక్రియపై దృష్టి సారించాలని, APMDC ద్వారా మార్కెట్ క్యాపిటలైజేషన్ అవకాశాలను అధ్యయనం చేయాలని నిపుణులతో కలిసి పనిచేయాలని అధికారులకు తెలిపారు.

బీచ్ సాండ్, రేర్ ఎర్త్ మినరల్స్, ముడి ఇనుము, మాంగనీస్, అల్యూమినియం వంటి ఖనిజాల నుండి విలువ జోడింపు ప్రక్రియ ద్వారా గరిష్టంగా రెవెన్యూ ఆర్జించవచ్చని సీఎం అభిప్రాయపడ్డారు. దేశంలోని కొన్ని రాష్ట్రాలు ఖనిజాల ఆదాయంతో రెవెన్యూ మిగులు సాధించాయని, ఏపీ కూడా ఈ అవకాశాన్ని వినియోగించుకోవాలని చంద్రబాబు పేర్కొన్నారు.