చోడవరంలో డోలీ మోతల తొలగింపు కోసం గిరిజనుల వినూత్న నిరసన

చోడవరంలో రావికమతం మండలానికి చెందిన గిరిజనులు ఎమ్మెల్యే కే.ఎస్.ఎన్.ఎస్. రాజుకు తమ సమస్యలపై వినూత్న నిరసన తెలిపారు. రోడ్డు గుంతల తొలగింపు, మంచినీరు, వైద్యం, విద్య, భూసమస్యల పరిష్కారం కోరుతూ ఆదివాసీలు అర్జీలు సమర్పించారు.

గిరిజనులు తమ గ్రామాల నుంచి ప్రజా ఫిర్యాదు నిర్వహిస్తున్న ఫంక్షన్ హాల్ వరకు రోడ్డుపై గుంతలకు ప్రతీకగా డోలీ మూతలను ప్రదర్శిస్తూ నడిచారు. ఎమ్మెల్యే అర్జీలు స్వీకరించి సమస్యల పరిష్కారానికి హామీ ఇచ్చారు.

కొందరు గిరిజనులు మాట్లాడుతూ, ‘రెండేళ్ల కిందట మా గ్రామంలో రోడ్డు ప్రారంభమైంది కానీ అది పూర్తిగా కొట్టుకుపోయింది. రోడ్డు లేకపోతే గుర్రాల సాయంతో పిల్లల్ని స్కూల్, హాస్పిటల్‌కు తీసుకెళ్ళేవాళ్ళం. రోడ్డు వచ్చిందని గుర్రాలు అమ్మేసుకున్నాం. ఇప్పుడు మళ్ళీ మూడు-నాలుగు కిలోమీటర్లు నడిచి బడికి పంపించాల్సి వస్తోంది’ అని వాపోయారు. గర్భిణీల విషయంలోనూ ఇబ్బందులు ఉన్నాయని తెలిపారు. డోలీ మూతలు తగ్గాయని సంతోషించామని, కానీ మరీ ఇప్పుడు ఆ గుంతల సమస్య ఎక్కువైందని చెప్పారు. ముఖ్యంగా భూసమస్యలు కూడా పరిష్కరించాలన్న డిమాండ్ చేశారు.

ఎమ్మెల్యే రాజు స్పందిస్తూ, ‘ఆదివాసీలకు అండగా నిలబడతా. ఆ గ్రామాలను స్వయంగా పర్యటించి, అధికారులతో రెవెన్యూ రికార్డులు పరిశీలించి, తప్పులుంటే సరిచేసి న్యాయం చేస్తా’ అని హామీ ఇచ్చారు. సమస్యల పరిష్కారానికి త్వరలోనే సంబంధిత చర్యలు తీసుకుంటామని చెప్పారు.