చౌటుప్పల్లో మతిస్థిమితం కోల్పోయిన జార్ఖండ్ యువకుడికి పోలీసుల సహాయం

చౌటుప్పల్ పట్టణంలో మానసిక అస్వస్థతకు గురైన ఓ వ్యక్తి రోడ్లపై తిరుగుతూ వాహనాలకు ఆటంకం కలిగించాడు. అతనికి ఒంటిపై గాయాలు ఉన్నాయి. స్థానికులు పోలీసులకు సమాచారం ఇచ్చారు.

చౌటుప్పల్ పోలీస్ స్టేషన్ హెడ్ కానిస్టేబుల్ రాంబాబు బృందం వెంటనే స్పందించింది. వ్యక్తిని వివరాలు అడిగితే జార్ఖండ్ అని, తన పేరు అనిల్ రావు అని చెప్పాడు. అతని మానసిక పరిస్థితి సరిగా లేనందున పోలీసులు అతణ్ణి స్థానిక 'అమ్మ నాన్న' అనాథ ఆశ్రమానికి తీసుకెళ్లారు.

ఆశ్రమంలో చికిత్స అందించడంతో కొద్ది రోజుల్లోనే అతను కోలుకున్నాడు. ఉపాధి కోసం హైదరాబాద్ వచ్చానని, నార్సింగిలో యజమాని వద్ద పనిచేస్తున్నానని చెప్పాడు. పోలీసులు సేకరించిన ఈ వివరాలతో అతణ్ణి నార్సింగిలోని యాజమానికి సురక్షితంగా అప్పగించారు.

అతను కోలుకుని తనను ఆదుకున్నందుకు పోలీసులకు కృతజ్ఞతలు తెలిపాడు.