CJP దేశవ్యాప్తంగా గ్రామీణ ప్రభుత్వ పాఠశాలల సామాజిక ఆడిట్‌ను ఆగస్టు 15 నుంచి ప్రారంభించనుంది

సీజేపీ (CJP) సంస్థ ఆగస్టు 15 నుంచి దేశవ్యాప్తంగా గ్రామీణ ప్రభుత్వ పాఠశాలల్లో సామాజిక ఆడిట్ నిర్వహించనున్నట్లు ప్రకటించింది. దేశంలో గ్రామీణ సర్కారు బడులు 80 ఏళ్లుగా నిర్లక్ష్యానికి గురవుతున్నాయని సంస్థ ప్రతినిధి తెలిపారు.

విద్యుత్, తాగునీరు, మరుగుదొడ్లు, మధ్యాహ్న భోజనం వంటి ప్రాథమిక సౌకర్యాలు చాలా పాఠశాలల్లో లేవని ఆయన పేర్కొన్నారు. దీన్ని సరిదిద్దేందుకు గ్రామ సర్పంచ్‌లు ముందుకు రావాలని కోరారు. పాఠశాలల్ని మెరుగుపరిచిన సర్పంచ్‌లను సీజేపీ సోషల్ మీడియాలో గుర్తించి ప్రశంసిస్తుందని చెప్పారు.

అలాగే ప్రభుత్వ పాఠశాలల్లో పిల్లలు చదువుతున్న తల్లిదండ్రులు కూడా సామాజిక ఆడిట్‌లో పాల్గొనాలని విజ్ఞప్తి చేశారు. తమ పిల్లల బడిలో సౌకర్యాలు ఉన్నాయో లేదో పరిశీలించి, వీడియోలు తీసి, సంస్థ అందించబోయే ఫారమ్ నింపి contact@jantapy.org ఈమెయిల్‌కు పంపాలని సూచించారు. ఫారమ్ లింక్ త్వరలో ఇవ్వనున్నట్లు తెలిపారు.

గ్రామీణ ప్రాంతాల్లోని రైతులు, కూలీల పిల్లలకు నాణ్యమైన విద్య, మౌలిక సదుపాయాలు అందించాలన్న లక్ష్యంతో ఈ సామాజిక ఆడిట్ చేపడుతున్నట్లు సంస్థ వివరించింది.