ప్రభుత్వ పాఠశాలల బ్రేక్ఫాస్ట్ స్కీమ్కు సీఎస్ఆర్ నిధులు: సీఎం రేవంత్ రెడ్డి సమావేశం
హైదరాబాద్: ఎంసీఆర్ హెచ్ఆర్డీ ఇనిస్టిట్యూట్లో ముఖ్యమంత్రి రేవంత్ రెడ్డి హరేకృష్ణ ఫౌండేషన్, దివిస్ లాబరేటరీస్, అరబిందో ఫార్మా ప్రతినిధులతో సమావేశమయ్యారు. ఈ సందర్భంగా ప్రభుత్వ పాఠశాలల్లో అమలవుతున్న బ్రేక్ఫాస్ట్ స్కీమ్ కోసం కార్పొరేట్ సామాజిక బాధ్యత (CSR) నిధులను ఆయా సంస్థలు అందజేశాయి.
అరబిందో ఫార్మా లిమిటెడ్ తరఫున రూ.10 కోట్లు, దివిస్ లాబరేటరీస్ లిమిటెడ్ తరఫున రూ.12.18 కోట్ల చొప్పున మొత్తం రూ.22.18 కోట్ల నిధులు ఇచ్చారు. హరేకృష్ణ మూమెంట్ చారిటబుల్ ట్రస్ట్ ద్వారా విద్యార్థులకు నాణ్యమైన అల్పాహారం, మధ్యాహ్న భోజనం అందిస్తున్నట్లు ప్రభుత్వం తెలిపింది.
సీఎం రేవంత్ రెడ్డి మాట్లాడుతూ, సెంట్రలైజ్డ్ కిచెన్లు ఏర్పాటు చేసిన ప్రాంతాల్లో స్థానిక రైతుల నుంచి కూరగాయలు, బియ్యం, ఇతర సామాగ్రిని నేరుగా కొనుగోలు చేయాలని ప్రభుత్వం భావిస్తోందని వివరించారు. ఆర్గానిక్ పంటల వైపు రైతులను ప్రోత్సహించి, వారికి నాణ్యమైన విత్తనాలు అందించేలా చర్యలు తీసుకుంటున్నామని చెప్పారు. సీఎస్ఆర్ నిధులు అందించిన సంస్థలను సీఎం అభినందించారు.
వార్త ఆధారాలు: పబ్లిక్ న్యూస్ బ్రాడ్కాస్ట్లు, అధికారిక అప్డేట్లు, ఉషా కిరణం ఎడిటోరియల్ ప్రమాణాలు.
సవరణల కోసం సంప్రదించండి: help@ushakiranam.com
